प्रहरी कार्यालय
असोज ३०, जिल्ला कास्की पोखरा महानगरपालिका १३ बाझापाटन स्थितमा संकास्पद रुपमा हिडिरहेका निम्न मानिसहरुलाई व.प्र.का.रामबजारबाट खटिएको प्रहरी टोलीले चेकजाँच गर्दा निम्न मात्रामा लागूऔषध सहित नियन्त्रणमा लिईथप अनुसन्धान कार्य भईरहेको, निम्न:-१. जिल्ला कास्की पोखरा म.न.पा.१३ बाझापाटन बस्ने वर्ष ३७ को अर्जुन गुरुङ, निजको साथबाट डाईजापाम १४ एमपुल, फेनारागन १४ एमपुल, नुरफिन १४ एमपुल (जम्मा ४२ एमपुल) ,र नगद रु. १०,१०० ।- बरामद भएको,२. ऐ.बस्ने वर्ष ३५ को विनोद बि.क.निजको साथबाट नगद रु.१६,४००।- बरामद भएको ।
असोज २५, जिल्ला कास्की अन्नपूर्ण गाउँपालिका- १० हुदु स्थित नयाँपुलबाट घान्द्रुक तर्फ जाँदै गरेको ग १ ज ६९०० नं.को बोलेरो जीप आफै अनियन्त्रित भई पोखरा घान्द्रुक कच्ची सडक खण्डको कलडाँडा भिरको घुम्ती सडकबाट अन्दाजी २०० मिटर तल सडकमा खस्न गई दुर्घटना हुँदा ८ जनाको घटनास्थलमै मृत्यु भएको, मृत्यु हुनेमा जिप चालक जिल्ला कास्की अन्नपुर्ण गाउँपालिका-५ नयाँपुल बस्ने वर्ष ४२ को खुसीमान क्षेत्री, जिल्ला काठमाण्डौ काठमाण् महानगरपालिका-३ गंगबु घर भई पोखरा घुम्न आएको वर्ष १८ को जिनलव घिसिङ, ऐ.बस्ने वर्ष २४ की सुजा चौधरी, वर्ष २० की लिजा चौधरी, वर्ष २० को सुमन चौधरी वर्ष २२ को अछुतम काफ्ले, वर्ष १८ को आशिष आले र जिल्ला गोरखा घर भई हाल जिल्ला काठमाण्डौ काठमाण्डौ महानगरपालिका-३ गंगबु बस्ने वर्ष २७ को विनय क्षेत्री रहेका छन् । १ जना घाईते भएको, उक्त स्थानमा प्रहरी टोली खटिगई घटनाको विषयमा थप अनुसन्धान भईरहेको ।
पुतलीबजार नगरपालिका-३ कमरेमाटा बस्ने वर्ष ५६ को टिकाराम नेपाली ऐ.केयोडाडा गाँउमा विबाहको भोजमा गई घर फर्की नआएकोमा खोजतलास गर्दै जाने क्रममा २०७८।०६।२४ गते ऐ.ऐ.३ काफलडाँडा गोरेटो बाटो देखि अन्दाजी १०० मिटर तल मृत अवस्थामा फेला परेको भन्ने खबर प्राप्त हुनासाथ घटनास्थलमा प्रहरी टोली खटी घटनाको विषयमा थप अनुसन्धान भईरहेको ।
नेपाल प्रहरीको "६६ औं प्रहरी दिवस" का अवसरमा देश र जनताको सेवामा समर्पित रहि विरताका साथ कर्तव्य पालनको शिलसिलामा प्राण उत्सर्ग गर्ने अमर प्रहरीका गौरवगाथाको उच्च कदर गर्न गण्डकी प्रदेश प्रहरी कार्यालय पोखराको आयोजनामा गण्डकी प्रदेश सरकारका माननीय मुख्यमन्त्री कृष्णचन्द्र नेपाली पोखरेलको प्रमुख आतिथ्यतामा अमर प्रहरी प्रति श्रद्धाञ्जली तथा सम्मान कार्यक्रम सम्पन्न भएको छ ।कार्यक्रमका प्रमुख अतिथि गण्डकी प्रदेश सरकारका माननीय मुख्यमन्त्री कृष्णचन्द्र नेपाली पोखरेल र गण्डकी प्रदेश प्रहरी कार्यालय पोखराका प्रमुख प्रहरी नायव महानिरीक्षक दिवेश लोहनीले संयुक्त रुपमा अमर प्रहरी स्मारकमा पुष्पहार तथा शोक सलामी अर्पण गरी अमर प्रहरी प्रति श्रद्धासुमन प्रकट गर्नुभएको छ । साथै कार्यक्रमका विशेष अतिथि, अमर प्रहरी परिवार लगायत कार्यक्रममा सहभागी विभिन्न क्षेत्रलाई प्रतिनिधित्व गर्ने व्यक्तिहरुले समेत अमर प्रहरी स्मारकमा पुष्प गुच्छा अर्पण गरी श्रद्धासुमन व्यक्त गर्नुभयो ।कार्यक्रमलाई सम्बोधन गर्दै प्रमुख अतिथि पोखरेलले नेपाल प्रहरी भौतिक स्रोत साधन तथा जनशक्तिको अभावका बाबजुत पनि देश र जनताको सेवा एवं हितको खातिर अनवरत रुपमा तल्लिन रही कार्यसम्पादन गर्दै आईरहेको प्रति उच्च सम्मान गर्दै आगामी दिनमा समेत जनतालाई नै केन्द्रबिन्दुमा राखी कार्यसम्पादन गर्नुपर्ने बताउँदै गण्डकी प्रदेश प्रहरीको समुन्नत विकासका लागि प्रदेश सरकार तत्पर रहेको कुरा बताउँनुभयो ।कार्यक्रममा धन्यवाद मन्तव्य राख्नुहुँदै गण्डकी प्रदेश प्रहरी प्रमुख प्रहरी नायव महानिरीक्षक दिवेश लोहनीले विविध आरोह-अवरोहका बीच नेपाल प्रहरीको शीर सदैव उच्च र अटल बनाई राख्न आफ्नो कर्तव्य पथमा सदा कर्मशिल रही संगठनका खातिर देश र जनताको पक्षमा आफ्नो अमुल्य जीवन उत्सर्ग गर्ने वीर अमर प्रहरीहरु प्रति हार्दिक श्रद्धासुमन व्यक्त गर्नुभयो ।प्रहरी दिवसलाई समस्त प्रहरी कर्मचारीहरुले आ-आफ्नो कार्य प्रेरणा दिवसको रुपमा आत्मसाथ गर्दै बिगत वर्षहरुमा भएगरेका कार्यहरुको मुल्याङकन एवं आत्मसमिक्षा गरी आगामी दिनहरुमा आफ्नो जिम्मेवारी अझै प्रभावकारी, विश्वासिलो एवं नागरिकमैत्री र सशक्त ढंगबाट निर्वाह गर्नुपर्ने कुरामा जोड दिनुभयो ।कार्यक्रमका प्रमुख अतिथिज्यूबाट अमर प्रहरीका आश्रीत परिवारलाई कदरपत्र तथा नगद रकम साथै प्रहरी कार्यमा सहयोग पुर्याउने विभिन्न संघ संस्था, व्यक्तित्व, उत्कृष्ट जिल्ला प्रहरी कार्यालय तर्फ जिल्ला प्रहरी कार्यालय नवलपरासी पूर्व, ट्राफिक व्यवस्थापन, विपद उद्दार लगायत विविध प्रहरी गतिविधिमा उत्कृष्ट कार्य गर्ने प्रहरी कर्मचारीहरुलाई समेत नगद पुरस्कार तथा कदर पत्र प्रदान गरिएको थियो ।सोही अवसरमा गण्डकी प्रदेश प्रहरी कार्यालय पोखराका प्रहरी वरिष्ठ उपरीक्षक मोहन प्रसाद पोखरेलले ६६ औं प्रहरी दिवस २०७८ को अवसरमा संगठन प्रमुख प्रहरी महानिरीक्षक शैलेश थापा क्षेत्रीज्यूको शुभकामना सन्देश वाचन गर्नुभएको थियो । कार्यक्रममा गण्डकी प्रदेश सरकारका प्रमुख सचिव डा. दामोदर रेग्मी, पोखरा स्वास्थ्य विज्ञान प्रतिष्ठानका उप-कुलपति डा. डुक बहादुर क्षेत्री, गण्डकी प्रदेशका मुख्य न्यायधिवक्ता रोहितराज बास्तोला, प्रदेश स्तरिय सुरक्षा निकायका प्रमुखहरु, अमर प्रहरी परिवारहरु, पूर्व प्रहरी संगठनका पदाधिकारीहरु, नेपाल प्रहरी श्रीमती संघका पदाधिकारी, पत्रकार लगायत विभिन्न कार्यालयका प्रहरी कर्मचारीहरुको सहभागीता रहेको थियो ।
असोज १०, जिल्ला तनहुँ बन्दिपुर गा.पा.४ ठुलोढुङगा स्थित पृथ्बि राजमार्गमा ग.२० प ९४६९ नं. स्कुटी र बाग्मती प्रदेश ०३- ००१ च १२१२ नं.बलेरो एक आपसमा ठक्कर खाँदा स्कुटी चालक जिल्ला तनहुँ ब्यास न.पा.५ कलेस्ती बस्ने बर्ष १८ को अनिल बि.क.घाईते भई BNB अस्पताल ललितपुरमा उपचार भईरहेको । दुबै सवारी साधन र बलेरो चालक प्रहरीको नियन्त्रणमा रहेको ।
देवचुली न.पा.१७ झहरीखोला स्थित पूर्व-पश्चिम राजमार्गमा बा. ४ ख २२६५ नं. को हाईस र गण्डकी प्र.०४-००१ प २७१२ नं. को मो.सा. एक आपसमा ठक्कर खाँदा मो.सा.चालक जिल्ला चितवन भ.म.न.पा.२७ बस्ने वर्ष २४ को निरन्जन न्यौपाने घाईते भई पुरानो मेडिकल कलेज भरतपुर चितवनमा उपचार भईरहेको । हाईस चालकलाई नियन्त्रणमा लिई आवश्यक अनुसन्धान भईरहेको । दुवै सवारी साधन प्रहरीको नियन्त्रणमा रहेको ।
असोज ०६, गते परेको अविरल वर्षाको कारण जिल्ला बागलुङ ढोरपाटन नगरपालिका-२ टारीखेत स्थित रहेको टारीखेत खोल्सामा आएको बाढीले ऐ. स्थान बस्ने वर्ष ४५ को टम बहादुर महतको ढुङ्गामाटोले बनेको टिनको छानो भएको १ तले कच्चि घर भत्किएको परीवारका ५ बिस्थापित, मानविय तथा चौपाय क्षती नभएको, अन्दाजी १५ लाख बराबरको धनमाल क्षति भएको, घटनास्थलमा प्रहरी टोली खटि गई उद्दार भईरहेको ।
असोज ९, जिल्ला म्याग्दी बेनी नगरपालिका ५ पुलाचौर स्थितमा पुलाचौरबाट बेनी तर्फ आउदै गरेको ग१ज ६६६२ नं.को बोलेरो जिपले पैदल यात्री ऐ.बस्ने वर्ष ७६ की गौमती बि.क.लाई ठक्कर दिई घाईते भई उपचारको लागि बेनी अस्पतालमा पठाईएको, अवस्था सिरियस, चालक ऐ.बस्ने वर्ष ३३ को सन्तोष दर्जी प्रहरीको नियन्त्रणमा रहेको ।
बेशीशहर न.पा.७ स्थित ग. ७ प ४५६८ नं.को मो.सा.लाई ग. २१ प ४५३ मो.सा.ले ठक्कर दिँदा ४५६८ नं.को मो.सा.चालक जिल्ला लमजुङ बेशीशहर न.पा.७ बस्ने वर्ष ४८ को बुद्धि बहादुर तामाङ घाईते भई जिल्ला अस्पताल लमजुङमा उपचार भईरहेको । ग. २१ प ४५३ नं.को मो.सा. चालक फरार रहेकोले निजको खोजतलास कार्य भईरहेको । दुबै मो.सा.प्रहरीको नियन्त्रणमा रहेको ।
असोज १०,जिल्ला स्याङ्जा वालिङ न.पा.१० आमबोट स्थित सिद्वार्थ राजमार्गमा ग. १२ प २५२० नं.को स्कुटर आफै अनियन्त्रीत भई दुर्घटना हुँदा स्कुटर चालक जि.स्याङ्जा गल्याङ न.पा.८ करादी बस्ने वर्ष ५२ कि मन कुमारी थापा घाईते भई चरक अस्पताल पोखरामा उपचार भईरहेको । स्कुटर प्रहरीको नियन्त्रणमा रहेको ।
