गण्डकी प्रदेश प्रहरी तालिम केन्द्र, पोखरा - परिचय
नेपालको पर्यटकीय
राजधानी पोखराको मुख्य बजार पृथ्वीचोकबाट पूर्वतर्फ १ कि.मि.को दुरीमा रहेको
बुद्धचोकबाट दक्षिणतर्फ ६०० मिटरको दुरीमा पुगिने भारतिय पेन्सन क्याम्पबाट २
कि.मि.को दुरीमा रहेको गलेश्वरचोक हुदै १.४ कि.मि. अगाडी साविक छिनेडाँडा गा.वि.स. वडा नं. ९ हाल पोखरा
म.न.पा.वडा नं. १५ ढुङ्गेसाँघु, ठुलिमझुवा स्थित पूर्वतर्फ शसस्त्र प्रहरी वलको
हुल तथा दंगा व्यवस्थापन तालिम शिक्षालय, पश्चिमतर्फ खहरे खोला, उत्तरतर्फ फुलवारी
रिसोर्ट र दक्षिणतर्फ सेती नदि यति चार किल्ला भित्र यस गण्डकी प्रदेश प्रहरी
तालिम केन्द्र, पोखरा अवस्थित छ । कुल ७६८
रोपनी १३ आना १ पैसा ३ दाम क्षेत्रफलमा फैलिएको यस तालिम केन्द्रको नाममा २०७५ साल
कार्तिक १६ गते जग्गाधनी पुर्जा समेत प्राप्त भएको छ ।