प्रहरी कन्ट्रोल : १००, टोल फ्री नं.: १६६००१४१५१६
नेपा
EN

"सामुदायिक सन्देश" बुलेटिन विमोचन

२०८०-०१-१२

  • A
  • A-
  • A+
Share

वैशाख-१२, पोखरा । 

कास्की जिल्लामा सक्रिय सामुदायिक सेवा तथा सामुदायिक प्रहरी सेवा केन्द्रहरुको नियमनकारी संस्था सामुदायिक प्रहरी सेवा एवं सामुदायिक प्रहरी सेवा जिल्ला समन्वय समिति, कास्कीले वर्षभरी जिल्लाका सम्पूर्ण सामुदायिक सेवा तथा प्रहरी सेवा केन्द्रले समाज रुपान्तरणका लागि गरेका सचेतनामूलक कार्यक्रमहरुको प्रभावकारीताको विषयमा स्पष्ट गराउने उद्देश्यका साथ “सामुदायिक सन्देश” बुलेटिनको २८ औं अंक प्रकाशन गरेको छ ।

समितिले प्रकाशन गरेको बुलेटिनको आज समितिकै सभाहलमा एक कार्यक्रमका बिच जिल्ला प्रशासन कार्यालय कास्कीका प्रमुख जिल्ला अधिकारी टेक बहादुर के.सी.को प्रमुख आतिथ्यता, गण्डकी प्रदेश प्रहरी कार्यालय पोखराका प्रमुख प्रहरी नायब महानिरीक्षक बुद्धिराज गुरुङको विशेष आतिथ्यता र समितिका अध्यक्ष भिम पराजुलीको प्रमुख अध्यक्षतामा विमोचन गरिएको हो ।

विकृति र विसंगती रहित समाजको निर्माण हाम्रो अभियान” भन्ने मुल नाराका साथ नेपाल प्रहरीसँग हातेमालो गर्दै सामाजिक कार्यमा सलंग्न सामुदायिक सेवा तथा सामुदायिक प्रहरी सेवा केन्द्रहरुले गत १ वर्षको अवधिभर गरेका सचेतनामूलक तथा सहयोगका कार्यक्रमहरुको विषयमा उक्त बुलेटिनमा समावेश गरिएको छ । पोखरा लगायत कास्की जिल्ला भरिनै सक्रिय रुपमा प्रहरीसँग हातेमालो गरी समाजमा शान्ति स्थापनार्थ खटिने समुदायिक सेवा तथा प्रहरी सेवा केन्द्रहरुका कार्यक्रमहरुलाई नागरिक सम्म पर्‍याउन महत्वपुर्ण भुमिका निर्वाह गर्ने बुलेटिन चौमासिक रुपमा प्रकाशन गरीने समितिका अध्यक्ष भिम पराजुलीले बताउनुभयो । बिमोचन कार्यक्रममा बोल्दै प्रमुख अतिथि जिल्ला प्रशासन कार्यालय कास्कीका प्रमुख के.सी. र विशेष अतिथि गण्डकी प्रदेश प्रहरी कार्यालय पोखराका प्रमुख बुद्धिराज गुरुङले समाजमा शान्ति स्थापनार्थ खटिरहेका सामुदायिक सेवा तथा प्रहरी सेवाकेन्द्रहरुलाई सहयोग गर्न आफुहरु सधै तत्पर रहेको बताउनुभयो ।


सम्बन्धित समाचार
लागू औषध सहित मानिस नियन्त्रणमा : कास्की
२०८१-१२-०७

जिल्ला कास्की पोखरा-१७ वरकोबोट स्थित बुटवलबाट पोखरा तर्फ आउदै गरेको ग १ ज ८८०९ नं. EV भ्यानमा सवार यात्रुले लागुऔषध ल्याउदै गरेको भनि गोप्य सुचनाको आधारमा लागुऔषध नियन्त्रण ब्यूरो कार्यालय पोखराबाट  खटिएको प्रहरी टोली र जिप्रका कास्की बाट खटिएको प्रहरीले उक्त भ्यानलाई रोकी चेक जाँच गर्ने क्रममा भ्यानमा सवार जिल्ला म्याग्दी घर भई हाल पोखरा ११ रानीपौवा बस्ने वर्ष २६ की एलिना पुनले बोकेको कालो ब्यागमा बुर्फिन १४४ एम्पुल, फेनरागन १४२ एम्पुल, डाईजापाम १४३ एम्पुल गरि जम्मा ४२९ एम्पुल लागुऔषध सहित निज संग साथमा रहेका जिल्ला कास्की माछापुच्छ्रे गा.पा.३ घाचोक बस्ने वर्ष ४१ को सन्तोष गुरुङ र जिल्ला कास्की अन्नपूर्ण गा.पा. घर भई हाल पोखरा २ मिरुवा बस्ने वर्ष ३१ को सुजन गुरुङ लाई समेत नियन्त्रणमा लिइ थप अनुसन्धानको लागि जि.प्र.का. कास्की पठाएको । 

सवारी दुर्घटना : कास्की
२०८१-११-२८

जिल्ला कास्की पोखरा म.न.पा.३२ भत्केको चौकी स्थित पृथ्वीराजमार्गमा ज्वालामुखी गा.पा. ५ धादिङबाट पश्चिम क्षेत्रिय अस्पताल कास्कीमा बिरामी ल्याउदै गरेको स्मृती समाज निलकण्ठ १२ धादिङको बा २१ च ९८५९ नं. को एम्बुलेन्स सडक चिप्लो भएको कारण चालकले नियन्त्रण गुमाई सडकको नालीमा दुर्घटना हुदा, एम्बुलेन्समा चालक सहित ४ जना सवार मध्य १ जना जि.धादिङ शिद्धलेक गा.पा.२ झगरे बस्ने वर्ष २२ की मेनुका नेपाली, बायाँ गाला र नाकमा चोट, अवस्था सामान्य, अन्य सवार शकुसल रहेको, एम्बुलेन्समा ल्याएको बिरामी ऐ. बस्ने वर्ष ५५ की डल्ली नेपाली र घाइतेलाई ट्याक्सीमा राखि पश्चिम क्षेत्रिय अस्पताल गण्डकी पठाएको, एम्बुलेन्स चालक वर्ष ३६ को अमृत कुमार श्रेष्ठ प्रहरी नियन्त्रणमा रहेको।