सवारी दुर्घटना : कास्की

२०८१-०९-०३

A
A^-
A⁺

जिल्ला कास्की पोखरा म.न.पा.१६ लिच्चीघारी स्थित बाटुलेचौरबाट लिच्चीघारी तर्फ आउँदै गरेको ग २ ख १७८६ नं.को टिप्परमा सोही दिशाबाट आउदै गरेको GAAA ३५१५ नं.को मोटरसाइकल ठक्कर खाँदा मोटरसाइकल चालक जिल्काला स्की पोखरा म.न.पा.१९ लामाचौर बस्ने बर्ष १७ को स्मरण अधिकारी घाइते भई उपचारको लागी पश्चिम क्षेत्रीय अस्पताल पठाईएको, दुबै हातखुट्टा र टाउकोमा चोट लागेको, मोटरसाइकल, टिप्पर र टिप्पर चालक प्रहरीद्वारा नियन्त्रणमा लिई आवश्यक अनुसन्धान भइरहेको ।

सम्बन्धित समाचार

गण्डकी प्रदेश प्रहरी प्रमुखको पदभार ग्रहण ।

२०८१-०९-०३

प्रहरी प्रधान कार्यालय, मानवश्रोत एवं प्रशासन विभाग, कर्मचारी प्रशासन शाखाको चलानी नं. ३१४७ मिति २०८१।०८।२७ गतेको पत्रले गण्डकी प्रदेश प्रहरी कार्यालय पोखरामा सरुवा भई आउनु भएका प्रहरी नायव महानिरीक्षक भोला बहादुर रावलले गण्डकी प्रदेश प्रहरी प्रमुखको पदभार ग्रहण गर्नुभएको छ । गण्डकी प्रदेश प्रहरी प्रमुखको पदभार ग्रहण गर्नुभएका प्रहरी नायव महानिरीक्षक रावललाई गण्डकी प्रदेश प्रहरी कार्यालयमा कार्यरत प्रहरी कर्मचारीहरु र पोखरा उपत्यका स्थित मातहत कार्यालय प्रमुखहरुले पुष्प गुच्छा सहित स्वागत गर्नुभएको थियो । स्वागत तथा पदभार ग्रहण पश्चात प्रहरी नायव महानिरीक्षक रावलले गण्डकी प्रदेश प्रहरी कार्यालयमा कार्यरत सम्पुर्ण प्रहरी कर्मचारीहरु र उपस्थित कार्यालय प्रमुखहरूलाई प्रदेशको शान्ति सुरक्षामा प्रहरी प्रभावकारीतालाई थप गर्न संगठनको मुल्य मान्यतालाई आत्मसाथ गरी त्रुटिरहित तवरले कार्य सम्पादन गर्न निर्देशन समेत दिनुभएको थियो ।

सवारी दुर्घटना : बागलुङ

२०८१-०९-०१

जिल्ला बागलुङ बागलुङ न.पा.२ लायन्स चोकमा ध१प ६७५९ नं.को मो.सा. चालकले नियन्त्रण गुमाई सडकको बिच भागमा पल्टन जाँदा मोटरसाइकल चालक जिल्ला बागलुङ काठेखोला गा.पा.२ भिमपोखरा बस्ने वर्ष १९ को राजेश बि.क. घाईते भई उपचारको लागि धौलागिरी अस्पताल बागलुङ पठाईएको ।

सवारी दुर्घटना : कास्की

२०८१-०८-२५

जिल्ला कास्की पोखरा म.न.पा.३ नदिपुर स्थितमा बगरबाट महेन्द्रपुल तर्फ जादै गरेको ग१ज ७३०१ नं. को बोलेरो जिपले पैदलयात्री ऐ.बस्ने वर्ष १४ को बिदुर अछामीलाई ठक्कर दिदा घाइते भई उपचारको लागि पदम नर्सिङ होम लगेको, निजको टाउको,बायाँ खुट्टा र हातमा चोट लागेको, जिप र जिप चालक प्रहरीद्वारा नियन्त्रणमा लिई आवश्यक अनुसन्धान भइरहेको ।

सवारी दुर्घटना : न.प. (पुर्व)

२०८१-०८-२१

जिल्ला न.प.(पुर्व) बुलिङटार गा.पा.३ कालिगण्डकी करिडोर सडकखण्डमा रामपुरबाट गैडाकोट तर्फ जाँदै गरेको ग१६प १६६९ नं.को मोटरसाइकल चालकले नियन्त्रण गुमाइ दुर्घटना हुँदा मोटरसाइकल चालक जिल्ला तनहुँ रिसिङ गा.पा. ४ बस्ने बर्ष ३० को सोम कुमार श्रेष्ठको अनुहारमा चोट लागि उपचारको लागि नयाँ मेडिकल कलेज भरतपुर चितवन पठाइएको ।

वडा प्रहरी कार्यालय वैदाम कास्कीको भवन उद्‍घाटन सम्पन्न ।

२०८१-०८-२०

नेपाल प्रहरी संगठन प्रमुख प्रहरी महानिरीक्षक बसन्त बहादुर कुवँरको प्रमुख आतिथ्यतामा यहि मंसिर २० गते वडा प्रहरी कार्यालय वैदाम कास्कीको नव निर्मित भवनको उद्घाटन कार्यक्रम सम्पन्न भएको छ ।प्रहरी महानिरीक्षक कुँवरले नवनिर्मित भवनहरूको अवलोकन गर्नुहुँदै भवन निर्माण कार्यमा सहयोग पुर्‍याउने विभिन्न महानुभावहरुलाई प्रशंसा-पत्र समेत प्रदान गर्नुभएको थियो । उक्त अवसरमा प्रहरी महानिरीक्षक कुँवरले पोखरा नेपालकै प्रमुख पर्यटकीय स्थल भएको उल्लेख गर्दै विद्यमान सुरक्षा चुनौतीको सामना गर्न एवम् कानूनको कार्यान्वयनमा नेपाल प्रहरीले नागिरकसँग सहकार्य गर्दै अगाडि बढ्नुपर्ने बताउनुभयो । नागरिकको समस्यामा सहजीकरण गर्नेतर्फ प्रहरी केन्द्रीत हुनुपर्ने बताउँदै शून्य शहनशीलतालाई आत्मसाथ गरी सिमान्तकृत एवम् पीडितवर्गहरूको सारथी भई उनीहरूको समस्या एवम् गुनासोलाई सम्बोधन गर्न समेत उहाँले उपस्थित प्रहरी कर्मचारीहरूलाई निर्देशन दिनुभएको थियो । गण्डकी प्रदेश प्रहरी कार्यालय पोखराका प्रमुख प्रहरी नायव महानिरीक्षक दुर्गा सिंहले धन्यवाद मन्तव्य व्यक्त गर्नुभएको उक्त कार्यक्रममा कास्की जिल्लाका प्रमुख जिल्ला अधिकारी भरतमणि पाण्डे र अन्नपूर्ण गाउँपालिकाका अध्यक्ष बिष्णु बहादुर केसीले आ-आफ्नो शुभकामना मन्तव्य व्यक्त गर्नुभएको थियो । जिल्ला प्रहरी कार्यालय कास्कीका प्रहरी उपरीक्षक श्याम बाबु ओलियाले स्वागत मन्तव्य व्यक्त गर्नुभएको थियो भने प्रहरी नायव उपरीक्षक ई. ध्रुव अधिकारीले भवन निर्माण सम्बन्धी प्रतिवेदन प्रस्तुत गर्नुभएको थियो । नेपाल सरकारको नियमित बजेटबाट कुल १० करोड ६० लाख ३३ हजार २० रूपैयाँको लागतमा उक्त भवनहरू निर्माण कार्य सम्पन्न भएको हो । उद्‍घाटन समारोहमा पोखरा महानगरपालिकाका प्रमुख धनराज आचार्य, जिल्लास्थित सुरक्षा निकायका प्रमुखहरू, विभिन्न सरकारी कार्यालयका प्रमुखहरू, विभिन्न राजनैतिक दलका प्रतिनिधिहरू, विभिन्न संघ संस्थाका प्रमुख एवम् प्रतिनिधिहरू, स्थानीय जनप्रतिनिधिहरू, भद्रभलाद्‌मी, संचारकर्मी एवम् स्थानीयवासीहरूको उपस्थिति रहेको थियो ।

सवारी दुर्घटना : गोरखा

२०८१-०८-१२

जिल्ला गोरखा गोरखा न.पा. ९ ट्क्सार स्थित आबुखैरेनी गोरखा सडक खण्डमा बाग्मती प्रदेश ०२-०२८ प ७५३८ नं.को मोटरसाइकल आफै अनियन्त्रित भई पल्टन जाँदा मोटरसाइकल चालक जिल्ला गोरखा गो.न.पा. ९ टक्सार बस्ने वर्ष २२ को प्रशान्त आले मगरको टाउको, अनुहारमा चोट लागि उपचारको लागि जिल्ला अस्पताल गोरखामा उपचार पश्चात थप उपचारको लागि पुरानो चितवन मेडिकल कलेज भरतपुर पठाइएको ।